Ginpabug-atan ni Senator Risa Hontiveros nga indi dapat proteheran sang Senado ang bisan sin-o nga miyembro nga may yara sang legal nga panabton ukon may gina-atubang nga warrant of arrest, labi na sa mga kaso nga may kabug-at.
Ini ang iya sabat sang ginpamangkot ang senador sa bahin sa paghatag sang protective custody sang Senado kay Senador Ronald “Bato” dela Rosa.
Suno kay Hontiveros, wala sang bisan ano nga layi nga nagahatag sa Senado sang gahum nga proteheran ang isa ka senador agud makalikaw sa proseso sang korte ukon legal nga pag-arestar.
Kabahin si Hontiveros sa mga senador nga nagapanawagan nga boluntaryo nga magsungka si Dela Rosa kasunod sang ginpagwa nga arrest warrant batok sa iya halin sa International Criminal Court (ICC).
Ini paagi sa Senate Resolution No. 395 nga gin-file sang Mayo 12, 2026, kun sa diin ginpabug-atan nga wala sang constitutional authority ang Senado nga maghatag sang “sanctuary” ukon proteksyon batok sa legal nga pagdakop, ilabi na sa mabug-at nga kaso.
Sa karon, kumpirmado nga nakagwa na ang senador sa Senado matapos ang pila ka adlaw nga pagpabilin didto kasunod sang iya ICC warrant.
