Wala na sang kabuhi sang nasapwan ang isa ka gwardiya,sa creek sang Brgy. Crossing Palkan, Polomolok, South Cotabato.
Ginkilala ang biktima nga si Richard Buaron, 43 years old nga residente sang Barangay Cannery, Polomokm South Cotabato.
Nakit-an ang lawas sang gwardiya sang isa ka silingan sa nasambit nga lugar, nga makuha lang kuntani sang tambo sa kilid sang creek.
Abi sang nakakita kahoy lang ini, sang ginpalapitan niya nasapwan nga tawo gali ini, dugang pa niya nga wala na sang bayo ang nasambit nga biktima ini nagin pahayag ni alyas “Inday” isa ka residente sa nasambit nga lugar.
Suno man saiya ginapangita man ini sang mga kaupod nga gwardiya, gani gin lantaw nila ang lawas sang patay, suno naman sa asawa sang biktima may yara ini sang palantadaan nga tattoo nga nakunpirmar man sang mga kaupdanan nga gwardiya.
Sa karon padayon ang imbestigasyon kag kung ano ang motibo sa nasambit nga insidente.
