-- ADVERTISEMENT --
Ginhimo nga atraksyon sang isa ka zoo sa China ang mga “mini panda” nga sa ulihi natukiban nga mga ido gali nga chow-chow nga ginkoloran agud lamang mag-anggid sa mga panda.
Suno sa pamunuan sang zoo, wala sila nakakuha sang permit para maghupot sang panda rason nga naghimo sila sang paagi agud may ipakita nga panda sa mga bisita.
Ginakabig naman nga national treasure sa China ang mga panda kabangdanan nga indi tanan nga zoo ang mahatagan sang permit para mag-alaga sang mga ini.
May mga nalipay kag naham-ot sa ginhimo sang zoo sa duha ka ido, apang may yara man sang nabalaka sa ikaayong lawas sang ido.
Ginsigurado naman sang pamunuan sang zoo nga luwas para sa mga ido ang ginagamit nila nga hairdye sa mga ini.
