KORONADAL CITY – Padayon pa nga gina-verify sang mga overseas Filipino worker sa Syria ang impormasyon nga may isa ka Pinoy nga napatay kasunod sang pagtay-og sang 7.8 magnitude nga linog.
Suno kay Revelyn Dolaus, Bombo International News Correpondent sa Syria kag tumandok sa Tantangan, South Cotabato, sa interbyu sang Bombo Radyo Koronadal, magluwas sa ginapahayag nga napatay, masobra naman sa gihapon ang nagkaapilasan kag madamo pa ang ginapangita.
Nagabuligay naman ang mga Filipino sa amo nga pungsod agud nga mapadal-an sang kwarta ang mga apektado.
Samtang, padayon pa nga nagasaka ang numero sang mga nagkalamatay sa linog.
Sa pinakauli nga data, nagdangat na sa 7, 400 ang mga nagkalamatay kun sa diin, 5,400 ang na-record sa Turkey samtang 1,800 naman sa Syria.
Gindugang pa sini nga ang malain nga tyempo ang naga-apekto sa ginapatigayon nga search and rescue operation.
Posible suno pa ang iban ang nagkalamatay indi bangud sang linog kundi sang tuman nga katugnaw…Sa subong, nagpasalig na sang bulig ang mga pungsod kaangay sang Pilipinas, Estados Unidos, China, United Kingdom, Russia, India, Germany, Ukraine, Greece, Israel, Qatar, Iran, Algeria, Tunisia, Japan, ang United Nations, ang European Union kag madamo pa nga mga pungsod.
