Ginpahayag ni Department of Justice Secretary Frederick Vida nga wala pa sang bag-o nga update ang ahensya may kaangtanan sa mga reklamo nga ginapangatubang ni Bise Presidente Sara Duterte.
Suno kay Vida, padayon pa nga ginarepaso sang DOJ ang draft resolution sang mga reklamo nga inciting to sedition kag grave threats batok sa ikaduha nga pangulo.
Ang mga reklamo ini ginpasang-at sang National Bureau of Investigation sang Pebrero 2025 may kaangtanan sa iya mga ginpahayag nga pagpamahog sa kabuhi ni Presidente Ferdinand “Bongbong” Marcos Jr., First Lady Liza Araneta-Marcos, kag anay House Speaker Martin Romualdez.
Ginpahayag ni Vida nga ipahibalo sang DOJ ang publiko kun may bag-o na nga tikang sa kaso.
Dugang pa niya, separado ang proseso sang DOJ sa ginahiwat nga impeachment trial sa Senado batok kay Duterte.
Ang impeachment amo ang pagtalupangod sa posible nga liability sang isa ka opisyal nga impeachable, samtang ang DOJ nagasusi sang posible nga criminal liability paagi sa ila panel of prosecutors.
Ginpasiguro ni Vida nga tumanon sang DOJ ang ila mandato sa pagdumala sang amo nga kaso.
