Wala sang direkta nga danyos nga natala sa probinsya bangud wala ini naigo sang Bagyong Inday, apang ang ginpabaskug nga habagat amo ang nagtuga sang pagbaha, landslide, kag pagkatumba sang kahoy sa pila ka lugar.
Suno kay Provincial Disaster Risk Reduction and Management Officer Rolly Doane Aquino, tatlo ka pamilya sa Barangay Lake Seloton, Lake Sebu ang ginpa-evacuate matapos masudlan sang tubig ang ila mga puluy-an.
Samtang, ginhatagan naman sila sang bulig kasubong sang food packs, family kits, kag hygiene kits halin sa provincial government.
May mga napagkit man nga landslide sa pila ka barangay sa Lake Sebu kag may mga dalan nga naapektuhan sang pag-awas sang suba, apang padayon gihapon ini nga maagian.
Ginpahayag ni Aquino nga wala sang narekord nga napatay ukon napilasan bangud sang epekto sang habagat.
Bangud sini, ginpanawagan niya sa publiko nga magpabilin nga alerto, ilabi na ang mga nagaestar sa bahaon kag delikado nga lugar.
