Nagapadayon sa subong ang imbestigasyon sa ng mga otoridad sa nagluntad nga pagpatay sa isa ka Professor sa USM Kidapawan Campus nga nasapwan nga wala na sang kabuhi sa sulod mismo sang iya nga SUV Fortuner nga may plaka nga NCN 2291 sa bahin sang Km 114 National Highway Boundery sang Brgy. Binoligan & Brgy. Paco, Kidapawan City, sang Lunes, December 30, 2024, pasado 11 sang aga.
Ginkilala ang biktima nga si Engr. Shiela Ramos Bautista nga residente sang Brgy. Manongol, Kidapawan City.
Madumduman nga nasapwan nga patay ang nasambit nga persona nga may igo sang bala sa liog nga ginapatihan nga halin sa isa ka 9mm pistol nga amu suno pa ang ginapatihan nga nag-utas sang kabuhi sini.
Ginpahayag naman sang mga otoridad nga posible kilala lang sang biktima ang nagluthang sa iya bangud wala man suno pa sang senyales nga gin pwersa ini nga sudlon sa iya nga salakyan.
Padayon naman ang pagtumod sang mga otoridad sa motibo sang krimen.
