Magtipon ang mga cardinal sang Simbahang Katolika sa isa ka conclave umpisa Mayo 7 agud magpili sang masunod nga Santo Papa, suno sa isa ka mataas nga opisyal sang Vatican sang Lunes, Abril 28.
Napagkasunduan ang petsa sa isa ka closed-door nga pagpangtipon sang mga kardinal sa Vatican, nga amo ang una nga pagpangtipon halin sang paglubong kay Pope Francis sang Sabado. Ginapaabot nga igaanunsyo ang opisyal nga pahayag sa masunod nga mga adlaw.
May kabug-usan nga 135 ka mga kardinal halin sa nagkalain-lain nga bahin sang kalibutan—tanan yara sa idalum sang edad 80—ang may katungdanan nga magboto sa conclave agud magpili sang bag-o nga lider sang Simbahang Katolika nga may 1.4 bilyon nga miyembro sa bilog nga kalibutan.
Ang ulihi nga duha ka conclave sang 2005 kag 2013 nagtiner lang sang duha ka adlaw.
