Ginsentensyahan sang korte sa Nigeria sang 75 ka tuig nga pagkabilanggo ang anay Power Minister nga si Saleh Mamman matapos mapamatud-an nga naglaunder sang 33.8 bilyon naira ukon katumbas sang halos $24.7 milyon ukon ₱1.38 bilyon hanggang ₱1.4 bilyon.
Napamatud-an nga may sala si Mamman sa 12 ka kaso lakip ang pag-usar sang pribado nga mga kumpanya agud itago kwarta may kaangtanan sa government-funded power plant projects.
Suno sa Economic and Financial Crimes Commission ukon EFCC, wala na makita si Mamman matapos ang iya conviction kag ginpagwaan na sang arrest warrant sang korte sa Abuja.
Nagserbi si Mamman bilang power minister halin 2015 tubtob 2021 sa administrasyon ni anay Nigerian President Muhammadu Buhari.
Nagbalik ang kasuko sang publiko sa iya conviction bangud isa si Mamman sa nagpromisa antes nga solbaron ang krisis sa kuryente sa Nigeria, nga padayon gihapon naga-atubang sang masami nga brownout kag kakulangan sa suplay sang kuryente.
