KABOMBO, sin-o ayhan sa pagbanta nimo ang mas malipayon pag-abot sa financial choices?- ang gastador ukon ang mga nagatipid nga halos indi na magpaguha bisan sentimo?
Natukiban sa isa ka pagtuon sang The New York Post pinaagi sa survey, pag-abot sa nanari-sari nga aspeto sang kabuhi, ang mga palasgastos nga tawo ang mas masadya kumpara sa mga nagatipon kag nagatipid.
Sa relasyon, 78 porsyento sa mga gastador ang mas malipayon sa love life kumpara sa mga nagatipon nga may ara lamang sang 63 porsyento.
Mas masadya man sa ila trabaho ang mga gastador nga may ara sang 78 porsyento nga rating, kumpara sa 57 porsyento sang mga nagatipid ukon nagatipon.
Kag ang pinakainteresante, apisar nga magastos ang pagpangabuhi, 73 porsyento sa mga gastador ang malipayon sa ila financial lives kumpara sa 56 porsyento sang mga nagatipid nga tawo.
Apang indi ini buot silingon nga kinahanglan mo mnagin gasatdor agud mangin malipayon, bangud suno man gihapon sa artikulo nga ang pagtipon kag pag-invest, mahimo nga malab-ot sang isa ka tawo ang financial independence.
