Naghimo sang maragtas sa patag sang “bio art” ang performance artist nga si Stelarc pagkatapos nga nangin una siya nga tawo nga madinalag-on nga nagbutang sang ikatlo nga dulunggan sa iya bukton.
Nagkinahanglan sang kapin sa isa ka dekada kag tatlo ka mga siruhano sa plastik agud matuman ang proyekto nga “Ear On Arm”.
Ginsulod sang mga doktor ang saline solution kag silicon implant sa iya bukton, antes gin-ukit ang panit sa korte sang dulunggan sang tawo.
Magluwas sa arte, literal nga nakabati ang nasambit nga dulunggan.
May gamay ini nga mikropono sa sulod para makakuha sang huni.
Apisar nga temporaryo nga ginkakas ang microphone bangud sa infection, plano ni Stelarc nga ibalik ini kag i-connect sa internet.
Subong man, kon ang iya bukton matabo nga magserbe nga isa ka malayo nga gamit sa pagpamati sa diin ang bisan sin-o halin sa iban nga mga pungsod makapamati sing buhi sa kon ano ang mabatian sa iya dulunggan sa iya bukton.
Plano man sini nga himuon nga Bluetooth system ang dulunggan kun sa diin ang receiver kag speaker ang igabutang sa sulod sang iya baba.
Suno kay Stelarc, kun may magtawag sa iya cell phone, maga-istorya ini gamit ang earpiece sa iya butkon kag mabatian niya ang tingog sa sulod sang iya ulo.
Kon magbukas sia sang iya baba, mabatian man sang mga tawo sa palibot niya ang tingog sang iya paghambalanay nga nagahalin sa sulod sang iya lawas.
