KORONADAL CITY – Nakahanda nga magtestigo si Mayor Clemente Fedoc sang banwa sang Norala, South Cotabato nga magtestigo sa tion nga ipatawag sa Senate Blue Ribbon Commitee hearing angot sa maanomalya nga flood coontrol projects sang Department of Public Works And Highways (DPWH).
Ini ang ginpahayag ni Mayor Fedoc sa interview sang Bombo Radyo Koronadal.
Suno kay Mayor Fedoc, nakabaton ini sang mga proposal halin sa mga personalidad nga nagapakilala may dako nga impluwensiya sa mga matag-as nga opisyal sang gobyerno.P
Pila sa mga ini, suno sa alkalde, nagpakilala nga may koneksyon sa Malacañang, Speaker Martin Romualdez, Department of Budget and Management (DBM), Commission on Audit (COA), kag Commission on Elections (COMELEC).
Ini bangud natabo ang pagpatawag kay Mayor Fedoc sang Cotober 2024 antes ang election period.
Suno sa alkalde, gin-isa-isa na sini ang pangalan sang mga nagpatawag sa iya kag nakaatubang sa isa ka meeting sa Malcanang compound kag ginasalig na sa NBI ang bug-os nga imbestigasyon agud matukiban ang kamatuoran sa likod sang mga tawo nga nagpakigtransaksyon sa iya.
Dako man ang pagpati ni Fedoc nga isa ka dako nga sindikato ang nagapadihot rason nga maisog ang mga ini nga mag-offer sa mga opisyal.
Kun nagpasugot suno pa ang alkalde may mga ginhan-ay nga kondisyones kun ginbaton niya ang proyekto kasubong sang parking fee kag mga porisyento sa nagkalain-lain nga opisyal sa gobyerno.
Kadungan sini, iya man ginpasiguro nga may suporta nga ebedensiya ang iya ginbuyagyag kag naeksperiensiyahan sini mismo kag indi lamang agud nga magsakay sa isyu.
Sa pagkamatuod, luyag sini nga magbulig nga matapna ang korupsiyon sa gobyerno.
Madumduman nga nangin sentro sang imbestigasyon sang gobyerno sa subong ang mga anomalya nga nagapalibot sa mga wala natuman ukon palpak nga mga flood control projects sa diin nakasentro sa mga kongressista kag mga miyembro sang DPWH kag mga contructors sa diin imbolbado man sa alegasyon sa pagbulsa sang tuman ka dako nga balor sang kwarta.
