KORONADAL CITY – Pilason ang isa ka ginaaligar nga motornapper samtang naaresto man ang kaupod sini matapos nga madakpan sang mga otoridad sa hana ngna pagpangwat sang motorsiklo sang isa ka pulis sa Purok Luyan, Brgy Kalanawe II, President Quirino, Sultan Kudarat.
Ginkilala ang mga suspek nga sanday Rahibin Dimalao Kasim, 35 anyos, may asawa, kag residente sang Buluan, Maguindanao Del Sur kag Dindin Kasim Kadalim, 36 anyos, wala sang trabaho kag residente sang Paglas, Maguindanao Del Sur.
Suno kay P/Maj. Joemari Cua, ang acting chief of police sang President Quirino MPS, nakabaton sila sang tawag nga may nagluntad nga motornapping sa lugar.
Gani nagresponde ang kapulisan kag didto nagtukiban nga gintayaan pa sang isa sa mga suspek ang biktima kag ginkuha ang motorisklo sini.
Gilayon sila nga nagpalagyo sa direksiyon sang Tacurong City apang nadakpan ang mga ini.
Gintiro sang pulis ang duha nga naghana nga magpalagyo kun diin naigo ang isa sa mga in sa Barangay Road Prk 2, Brgy Tuato sa nasambit nga banwa.
Narekober sa mga suspek ang isa ka (1) unit 22 revolver, isang (1) unit 38 revolver, walo ka bala, isa ka (1) Fragmentation hand Granade, isa ka (1) large sachet sang ginapatihan nga shabu kag isa ka (1) unit sang Honda ADV 150, nagaduga sang gray nga may temp plate number.
Magapangatubang naman sang patong-patong nga kaso ang mga suspek.
![](https://img.bomboradyo.com/koronadal/2024/07/motornapper-1.jpg)