KORONADAL CITY – Nagapadayon ang imbestigasyon sang mga otoridad sa pagpaniro-patay sa isa ka lending collector sa exit road, Barangay Calean, Tacurong City alas 4:45 kaina sang hapon, Hunyo 18,2024.
Ginkilala ang biktima nga si Mr Danel Hope Baclaan Suelo, 28 anyos kag residente sang Barangay Morales, Koronadal City.
Sa interview sang Bombo Radyo Koronadal kay PLT.Col. Bryan Bernardino, hepe sang Tacurong City PNP, gin-agaw sang suspek ang bag sini nga may unod nga kwarta nga koleksiyon lakip na ang iya nga motorsiklo.
Naguwa man sa inisyal nga imbestigasyon sang Tacurong PNP nga collector ini sang Eleven Twenty Eight (1128) Lending company nga nakabase diri sa siyudad sang Koronadal.
Sa karon, ginahibalo pa ang identity sang mga responsable sa krimen.
Nahibaluan nga nagapangolekta ang biktima sa Tacurong City kag Lambayong, Sultan Kudarat.
