Ginpabutyag sang legal counsel ni dating House Speaker Ferdinand Martin G. Romualdez nga wala sang igo nga basihan ang Ombudsman para magsaka sang kaso batok sa mambabatas may kaangtanan sa kontrobersiya sa mga proyekto sa flood control.
Suno kay Atty. Ade Fajardo, ang 32 ka anay nga testigo, lakip ang ginatawag nga star witness nga si Orly Guteza, nag-atras na suno pa sa ila mga alegasyon batok kay Romualdez.
Ginpahayag ni Fajardo, ang mga testigo amo ang mga anay empleyado ukon tauhan ni anay Ako Bicol party-list Rep. Zaldy Co, nga nagaatubang man sang kaso may kaangtanan sa ginapanawagan nga flood control scam.
Wala man suno pa sang direkta nga testigo nga nagadugtong kay Romualdez sa ginapatihan nga paghatag sang kickback ukon maleta nga may sulod nga kwarta.
Dugang pa ni Fajardo, wala man sang anay opisyal sang Department of Public Works and Highways (DPWH), district engineer, contractor, ukon iban pa nga personnel sa lugar sang proyekto nga direkta nga nag-akusar kay Romualdez.
Bangud sini, ginpangabay ni Fajardo sa Ombudsman nga ibasura ang reklamo batok sa anay Speaker.
Samtang, bahin sa pahayag sang Ombudsman nga may yara ini sang 28 ka bag-o nga testigo batok kay Romualdez, pahayag ni Fajardo nga wala pa nila nahibaluan kon sin-o-sino ang mga ini.
