Napun-an sang pasabog ang 2024 Paris Olympics humalin sa lighting ceremony tubtob sa performance sang legendary singer nga si Celine Dion.
Apang, nakuha ang atensiyon sang mga netizens sa ginhiwat nga opening ceremony sang sports event.
Nahibalaun, nga isa ka “The Last Supper” parody nga ginbidahan sang drag queens ang ginhiwat sa amu nga event kun sa diin gina-alegar gin-ilog ang isa ka biblical scene kaupod ang 12 apostles nga ululupod sa ulihi nga pagkaon antes ang paglansang sa krus.
Samtang, makita man sa nasambit nga performance ang transgender model kag singer nga wala sang suksok nga bayo.
Bangud diri, madamo sa mga netizens ang wala manamian sa nasambit nga performane ilabi na ang mga katoliko, Christian groups kag conservative politicians gikan sa iban nga pungsod.
Sa ulihi wala naman nagdugay ang pangpangayo sang pasaylo sang organising committee sang 2024 Paris Olympics sa tanan nga na-offend sa nasambit nga issue.
