Yara na sa kustodiya sang mga otoridad ang isa ka lalaki matapos nga maarestar sa ginlunsar nga search warrant operation sa Purok Proper, Brgy. Sto. Nino, Bagumbayan, Sultan Kudarat.
Ginkilala ni Police Major Arnel Legada, hepe sang Bagumbayan Municipal Police Station, ang suspek nga si alyas “Jeff”, nga residente sang nasambit nga lugar.
Suno kay PMaj. Legada, nadakpan ang suspek sa ginpatigayon nga operasyon sang Bagumbayan MPS, 2nd SKPMFC, RID12 sa bulig sang sang SKPFU-CIDG kun diin nakuha sa posisyon sini ang isa ka unit sang armas, lima ka bala sang cal.38 revolver, isa ka yunit sang homemade shotgun kag pito ka mga bala.
Magapangatubang naman ang suspek sa kaso nga paglapas sa R.A 10591 ukon Comprehensive Firearms and Ammunition Regulation Act.
