Posible maglab-ot sa P22 bilyon ang madula nga kita sa gobyerno kadungan sang pagbuhin sang 15% nga taripa sa ginapasulod nga bugas sa Pilipinas.
Suno kay Finance Secretary Ralph Recto, mahimo naman ini mabawi pinaagi sa pagnubo sang inflation. Nagapatimaan ini nga makabig nga indi kapierdihan sa gobyerno ang madula nga kita kun mapanubo malang sini ang inflation kag mapasanyog ang interest rates.
Padayon man nga naga konsulta ang gobyerno sa mga mangunguma suno kay Recto kun paano mapasanyog ang produksyon sang humay sa Pilipinas.
Mahimo man magrekomendar ang grupo sang mga mangunguma nga amyendaran ang Rice Tarrification Law.
Matandaan nga sang tinalikdan nga bulan, gin aprubahan sang Kamara sa ikaduha nga pagbasa nga nagikan sa P10 bilyones, pasakaan sa P15 bilyones ang pondo sa RTL.
