KORONADAL CITY – May mga persons of interest na ang mga kapulisan sa pagapatay sa isa ka CSU head kag mga kaupdanan sini sa Polomolok, South Cotabato.
Ini ang ginpahayag ni Lt. Col. Marvin Duadua, Chief of Police sang Polomolok PNP.
Suno pa sa opisyal, may yara na sila sang kag anggulo kun ngaa ginpamatay ang apat ka mga CSU lakip na ang head sini, apang sa karon indi pa pwede nga ibulgar.
Kung madumduman nga ginsulod mismo sa iya puwesto sa Tuazon Subd, Poblacion ang biktma nga si Donald Cabigas, 65 anyos kag CSU head kag isa ka retired Police Major nga residente sang Purok San Gabriel, Agan Subdivision ,Brgy. Poblacion sang nasambit nga banwa.
Nagguwa sa imbestigasyon sang mga otoridad nga ara sa sulod sang iya nga puwasto ang biktima sang hinali na lamang suno pa nga ginsulod ini sang mga naka motorsiklo nga mga suspek ang ginluthang sang makapila ka bes.
Nakaangkon sang igo sang bala ang nasambit nga biktima halin sa mga suspek nga amu naman ang kabangdanan sang iya nga kamatayon.
Narekober sa Crime scene ang kabug-usang nga 17 ka mga basiyo sang bala halin sa .9mm kag calibre 45 pistol.
Madasig naman nga nagpalagyo ang mga suspek nga may kahimuan sa krimen.
Mahibaluan nga isa ka retirado nga Colonel si Cabigas kag bag-o lamang suno pa promote bilang CSU-Intel Head sang nasambit nga banwa.
Nagapadayon naman ang imbestigasyon sang mga otoridad sa kaangtanan sang serye sang pagpangluthang kay Ret. Col Cabigas sa 3 pa ka mga CSU members nga una man nangin biktima san pagpangluthang sa nasambit nga banwa.
