Ginbweltahan ni House impeachment prosecutor Rep. Terry Ridon ang mga supporters ni Vice President Sara Duterte may kaangtanan sa isyu nga “no smoking gun,” nga suno sa mga kritiko wala suno pa nakapakita ang prosecution sang mabug-at nga ebidensya sa ika-21 nga adlaw sang impeachment trial.
Madumduman nga nagatubang si Atty. Michael Poa sang Defense panel bilang hostile witness sang prosecution.
Ginhangkat man ni Ridon ang mga supporters nga “i-unmute ang video” kag pamatian ang mga ebidensya kag testimonya nga ginpresentar sa impeachment trial.
Suno sa mamalidha, basi naka-mute ang video sang mga supporters ni VP Sara amo nga wala nila nabatian ukon nakita ang mga ebidensya.
Suno kay Ridon, bastante ang mga ebidensya nga ginpresentar sang prosecution para sa una kag ikaduha nga impeachment articles.
Apang indi niya mahimo nga talakayon ang kabug-aton ukon importansya sang mga ini bangod sa sub judice rule, ukon ang patakaran nga nagadumili sa pagkomento ukon paghisgot sang mga butang nga yara pa sa paghusay sang korte ukon tribunal.
Ginpahayag man sang prosecution ang mga ebidensya nga may kaangtanan sa ginapatihan nga maling paggamit kag liquidation sang P612.5 milyon nga confidential funds sang Office of the Vice President kag Department of Education.
