Nagdepensa si House Lead Prosecutor Rep. Gerville Luistro sa una nga online post ni Atty. Amando Ligutan bahin sa indi pagbaton sang misleading questions sa korte.
Ginpahayag ni Luistro nga wala sang bisan ano nga probisyon nga nalapas si Ligutan bangud sa iya social media post.
Ginpahayag ni Luistro nga ang ginadumilian lamang amo ang pagkomento sa merito ukon sulod sang kaso.
Suno sa iya, procedural lamang ang post ni Ligutan kag nagahatag ini sang kasanag sa mga pamangkot sang publiko, indi sa mga isyu nga pagabutaran pa sang mga senator-judges sa palaabuton.
Ginpahayag ni Luistro nga kun procedural lang ang komento kag wala nagatandog sa merito sang kaso, ginatugutan ini sang pagsulundan sang Senado bilang impeachment court.
Ginpahayag man niya nga luyag sang House panel nga makakuha sang mas klaro nga guidance halin sa korte parte sa sub judice rule agud mas istrikto nga masunod ang amo nga pagsulundan.
