Magapadayon ang epekto sang southwest monsoon ukon habagat nga magadala sang lapta lapta nga pag-ulan sa madamo nga bahin sang Luzon kag Visayas subong nga gab-i sang Domingo, suno sa Philippine Atmospheric, Geophysical and Astronomical Services Administration (PAGASA).
Suno sa 4 p.m. weather bulletin sang PAGASA, posible makaeksperyensya sang kalat-kalat nga ulan kag thunderstorms ang Metro Manila, Ilocos Region, Cordillera Administrative Region, Western Visayas, Zambales, Bataan, Tarlac, Pampanga, Bulacan, Cavite, Laguna, Batangas, Rizal, Occidental Mindoro, Oriental Mindoro, Romblon kag Palawan.
Ang iban nga bahin sang Luzon kag Visayas ginapaabot man nga makaeksperyensya sang mga pag-ulan.
Sa Mindanao, posible man ang amo nga kahimtangan bangud sa localized thunderstorms.
Nagpaandam ang PAGASA nga ang mabaskog nga pag-ulan mahimo magresulta sa pagbaha kag pagkatiphag sang duta sa mga apektado nga lugar.
Samtang, padayon nga ginamonitor sang ahensya ang isa ka low pressure area (LPA) nga yara mga 1,800 kilometro sa sidlangan sang Eastern Visayas, sa guwa sang Philippine Area of Responsibility (PAR).
