Padayon ang emergency evacuations sa Guam kag Northern Mariana Islands samtang nagapadulong ang Super Typhoon Bavi sa mga teritoryo sang Estados Unidos sa Pacific.
Suno sa US National Weather Service (NWS), ginapaabot nga mag-landfall si Bavi sa aga sang Lunes nga may kusog sang hangin nga makaabot sa 257 kilometro kada oras.
Nagpaandam ang ahensya nga mahimo ini magdala sang malala nga halit, pagbaha, kag balod nga tubtob 11 metros ang kataason.
Samtag, ginbuksan na sa Guam ang lima ka evacuation centers para sa mga residente, apang isa sini ang napuno na.
Ginklasipikar naman sang Joint Typhoon Warning Center (JTWC) ang Bavi bilang super typhoon nga may mas mabaskog pa nga pagbugso sang hangin.
Suno sa mga eksperto, ang El Niño kag mas mainit nga temperatura sang dagat nagadugang sang posibilidad sang mas mabaskog nga mga bagyo. Matandaan nga sang Abril, nag-igo man ang Super Typhoon Sinlaku sa Guam kag Northern Mariana Islands, nga nagpatay sang 17 ka tawo kag nagbilin sang dako nga danyos.
