KORONADAL CITY – Madinalag-on nga ginhiwat ang grand homecoming ni Hiyas ng Pilipinas 2024 Marela Glospeah Caro Juaman kag ni rank 10 finalist Clara Nodesca Michelena kaupod ang Hiyas ng Pilipinas 2024 organizer Mike Sordilla diri sa siyudad sang Koronadal.
Dugang sini, nagtigayon ang opisyales sang Koronadal pati man ang mga opisyales sang South Cotabato sang grand homecoming kag grand caravan para sa kadalag-an nga nakab-ot ni Juaman kag ang representa sini sa palaabuton nga Miss Tourism World nag pagahiwaton sa iban nga pungsod.
Ginpasalamatan naman ni Ms. Clara Michelena, ang tanan nga nagsuporta saiya nga mga Koronadalenos kag South Cotabatenos humalin sa iya nga video challenges tubtob sa pageant day.
Samtang si Juaman naman nag istorya kung paano niya gin preparahan bag-o nahatagan sang oportunidad nga makoronahan bilang Hiyas ng Pilipinas 2024.
Dugang pa ni Juaman, wala niya gin ekspektar ang pag suporta sang mga Koronadalenyos halin sa pag share kag pag like sang iya nga Advocacy Video kag Road to the Crown Challenge nga amo man iya nadag-an sa minor awards.
