Napaslawan ang Filipino singer Matty Juniosa nga makuha ang titulo sang Britain’s Got Talent season 19 kkun sa diin nakuha sini an ikaapat nga puwesto kun sa diin ginkanta ni Juniosa ang “Nothing Compares 2 U” ni Sinéad O’Connor.
Samtang, nakuha naman sang Hawkstone Farmers Choir ang kampeonato, kag nagasunod ang drone art collective Celestial kag yara sa itatlo nga pwesto ang dance duo nga Anastasiia and Salsa.
Isa si Matty sa mga standout contestant sang season matapos makakuha sang duha ka Golden Buzzers sa kompetisyon apang napaslawan nga makakuha sang bastante nga boto kun sa siin ginbasehan ang magdaog sa kompetisyon.
Madumduman nga ginkanta ni Juniosa sa audition ang “Purple Rain” ni Prince nga naghatag sa iya sang Golden Buzzer halin kay judge Simon Cowell, kabangdanan agud direkta ini nga makasulod sa semifinals.
Sa semifinals naman, sa liwat nga ginhatagan sang Golden Buzzer ni judge Amanda Holden ang Filipino singer kun sa diin ginkanta sini ang “Dream On” sang Aerosmith, nga nagdala sa iya sa final round.
