Ginpahayag ni War Secretary Pete Hegseth nga nagapabilin nga preparado ang pwersa militar sang Estados Unidos sa isa ka lebel sang kahandaan nga suno sa iya wala na makita halin pa sang World War II.Ini nga pahayag nagsunod sa desisyon ni President Donald Trump nga kanselarhon anay ang ginaplano nga pag-atake sa Iran, nga suno sa iya mahimo kuntani nga mangin isa sa pinakamadaku nga opensiba sang Estados Unidos halin pa sang WWII.
Bisan napaliban ang operasyon, ginpasiguro sang kalihim nga nagapabilin nga alerto kag preparado ang mga tropa para sa bisan ano nga mahimo nga hitabo.Samtang nagapadayon ang mga negosasyon angot sa posible nga kasugtanan sa Tehran, ginpabutyag sang administrasyon nga wala pa sang ginbutang nga katapusan nga petsa para sa Iran.
Apang nagapabilin nga bukas ang posibilidad sang madali nga aksyon kun kinahanglanon, nga nagapakita sang padayon nga presyur sa rehiyon kag sang preparasyon sang Estados Unidos sa pagpanalipod sang ila nasyonal nga interes.
