KORONADAL CITY – Yara na sa kustodiya sang mga otoridad ang duha ka indibidwal nga nadakpan sa ginpatigayon nga anti-carnapping operation sang Highway Patrol Group (HPG) – South Cotabato sa check point sa Barangay Dajay, Surallah, South Cotabato.
Sa inisyal nga impormasyon, sakay ang mga suspek nga sanday Alyas Din, 44 anyos kag residente sang Surallah, South Cotabato kag alyas Irene, 44 anyos kag residente sang Banga, South Cotabato sa isa ka puti nga Suzuki Sedan Type nga rent-a-car sang ginbalabagan sang mga otoridad.
Samtang nagapatiyon ang awtoridad sang anti-carnapping checkpoint, pagbukas sang bintana sang driver nakit-an sang mga awtoridad ang isa ka paperbag nga may unod nga ginapatihan nga shabu.
May yara sang 6 ka sachets sang ginapatihan nga shabu nga may kabug-aton nga 300 grams nga ginabulubanta yara sa masobra P2, 040,00 ang kantidad sang nakumpiskar nga illegal nga droga.
Sa karon, gindala na sa South Cotabato Police Provincial Office ang mga suspek para sa dugang nga interogasyon kag imbestigasyon.
Natalana man ang pasakaan sang nagakaigo nga kaso ang mga suspek.
Kaangot sini, padayon man ang panawagan sang mga otoridad sa publiko nga gilayon ipahibalo sa ila ang sin-uman nga mga makaduluda nga persona nga nagahimo sang illegal nga butang agud mapasabat sa ila ginhimo.
