-- ADVERTISEMENT --
Pagadakpon sang Department of Trade and Industry (DTI) ang tanan nga mga iligal nga nagabaligya sang vape products sumugod sa Setyembre.
Suno sa kay Trade Asec. Amanda Nograles, kinahanglan nga ipaidalum ang tanan nga mga vape products sa DTI registration.
Dugang pa sini, importante nga may yara sang Import Commodity Clearance (ICC) kag Philippine Standard (PS) License ang mga manufacturer ukon importer sang vape, antes pa ini ibaligya sa merkado.
Samtang, may multa naman nga P100,000 para sa first offense ang mga magalapas kag posible nga mapriso.
Sa mahibaluan, ginpatuman ini kasunod sa ginbalita sang Department of Health angut sa una nga kaso sang vape-related death sa pungsod.
