DSWD nakapanagtag sang masobra P70M nga balor sang humanitarian assistance sa apektado sang bulkan Kanlaon

Nakapanagtag na ang Department of Social Welfare and Development (DSWD) sang P70,706,465 nga balor sang humanitarian assistance sa mga apektado sang nagapadayon nga pag-alburuto sang Bulkan Kanlaon.

Base sa datos sang ahensya, napanagtag ang bulig nga ini sa halos 7,556 nga mga pamilya ukon 23,618 nga mga indibidwal.

Ang nasambit nga assistance ang naghalin sa relief efforts sang DSWD, local government units kag mga non-government organizations.

Sa karon may ara na sang nagabalor nga P168,044,880.49 ang nagapabilin nga available nga relief resources sang ahensya kag padayon nga nakabantay agud mahatag madason ang bulig sa mga apektado nga residente.