Nagdangat sa halos 8 ka milyon ka tawo ang nagpirma sa “Impeach Sara Duterte!” campaign nga ginlunsyar agud makakolekta sang suporta agud mapaatubang si Vice President Sara Duterte sa impeachment proceedings.
Sa sulod lamang sang 24 oras halin sang paglunsyar sang public signature campaign, naglab-ot dayon sa masobra isa ka milyon ka katawo ang nagpirma.
Antes naman sang botohan sa plenaryo sang Kamara sang Mayo 11, nakakolekta na ini sang sobra duha ka milyon nga pirma.
Nadugangan pa ini sang halos anum ka milyon nga pirma halin Mayo 11 tubtob Mayo 14, kag padayon pa nga nagadamo kada minuto.
Sa idalom sang sistema nga gina-usar sa signature campaign, gina-kuha ang IP address kag digital fingerprint sang mga nagapirma bilang kabahin sang validation process.
Samtang, pinakadamo nga mga nagpirma naghalin sa Metro Manila nga naglab-ot sa 1.4 milyon.
Gisundan ini sang Cavite nga may sobra 755,000 ka pirma kun sa diin nakakuha sang mataas nga numero sang mga nagpirma sa Cebu, Negros Occidental, Bulacan, Rizal, Laguna, Iloilo, Pangasinan, Leyte, Batangas kag iban pa nga mga probinsya.
