Nadakpan sang kapulisan gikan sa Isulan Muicipal Police Station ang isa ka 59-anyos nga lalaki matapos marekober sa sulod sang puuy-an sini ang yara sa tunga sa milyon nga kantidad sang illegal nga droga sa Brgy. Kolambog, Isulan, Sultan Kudarat, Agosto 27,2024.
Suno kay Police Lieutenant Colonel Julius Malcontento, hepe sang Isulan MPS, alas-12 sang udto sang ginsalakay sang mga ini ang puluy-an sang suspek nga si alyas “Rolly” sandig sa search warrant nga gin-isyu sang korte.
Narekober sa sulod sang puluy-an sini ang lima ka plastic sachet nga may unod nga shabu nga may kabug-aton nga 80 gramo nga nagakantidad sang Php544,000.
Bangud sini, gilayon nga gin-aresto ang suspek kag gindala sa police station lakip na ang mga illegal nga droga nga nakuha sa posisyon sini.
Sa karon, natalana ini nga pasakaan sang kaso nga paglapas sa Comprehensive Dangerous Drugs Act of 2002.
