Patay ang 18 ka mga indibidwal bangud sa malapnagon nga pagbaha kag pag-ulan sang nagligad nga semana sa Kenya.
Apektado ang sobra 54,000 ka mga pamilya sang pagbaha sa bug-os nga pungsod, kag 6,000 sini yara sa kapital nga Nairobi, suno sa Ministry of the Interior.
Naapektuhan man ang madamo nga mga buluthuan kag balay-bululngan sa bug-os nga pungsod sang pagbaha, kag 17 ka mga dalaon ang ginsirad-an sang mga awtoridad.
Nagresulta ang mga mudslides sang nilibo ka mga missing sa western Rift Valley, samtang ginpahanumdom ang mga pumuluyo nga naga-estar sa dalom sang Tana kag Athi rivers nga magpabalhin sa mas mataas nga lugar bangud sang pagsaka sang lebel sang tubig sa mga hydroelectric dams sa pungsod.
Ginhatagan sang warning ang Kenya Meteorological Department nga magapadayon ang mga malawig nga pag-ulan sa una nga duha ka semana sang Mayo.
Nag-umpisa ang malawig nga pag-ulan sa Marso sa pagsugod sang rainy season kag nagbilin sang dako nga halit, nga nagresulta sa pagkapatay sang sobra 100 ka mga indibidwal sa katapusan sang Marso.
