Ginkumpirmar sang Israeli military nga nahulog nila ang underground infrastructure sang Hezbollah sa isa ka baryo sa southern Lebanon.
Ini ang base sa joint statement nga ginpaguwa nina Israeli Prime Minister Benjamin Netanyahu kag Defense Minister Israel Katz.
Suno sa Israel, ginpahibalo anay nila ang Estados Unidos antes ginpatuman ang pag-atake.
Ginpuntirya ang isa ka tunnel nga may kalabaon nga 200 metros sa banwa sang Majdal Zoun.
Ginlunsyar ang operasyon duha ka adlaw matapos nagkasugtanay ang Lebanon kag Israel sa isa ka security arrangement nga ginpatunga sang Estados Unidos agud mapunggan ang tensyon sa border.
Ginpahayag sang Israel nga ang tunnel nagatipig sang ginatos ka armas kag mga launcher.
Sa pihak nga bahin, ginkondenar sang Hezbollah ang pag-atake kag ginapahayag nga isa ini ka klaro nga paglapas sa ceasefire.
Ginhayag man sang grupo nga padayon nila nga ginabantayan ang tanan nga mga paglapas kag preparado sila sa pagdepensa sang ila pungsod kag katawhan.
Samtang, ginpabutyag ni Hezbollah leader Naim Qassem ang iya matuod nga pagkontra sa security agreement, nga iya gintawag nga pagsurender sa Israel, kag ginpahayag nga ipadayon nila ang armado nga pagpakig-away.
