Patay ang anum ka mga tawo lakip ang isa ka surgeon kag isa ka 13-anyos nga bata nga lalaki matapos nga naigo sang Israeli airstrike ang Nasser Hospital sa Gaza.
Suno sa Gaza Health Ministry, masobra 40 ka tawo ang napilasan man sa insidente lakip na ang duha ka mga doktor nga yara sa kritikal nga kondisyon.
Nagtuga ang pag-atake sang daku nga kahalitan sa surgical wing sang ospital, partikular sa mga operating room kag iban pa nga mga pasilidad nga ginagamit sa pag-atipan sang pasyente.
Samtang, ginpahayag sang militar sang Israel nga isa ka kumander sang Hamas kag iban pa nga mga militante ang target sang ila operasyon. Apang, ang kumander nga ginahambalan wala nalakip sa mga napatay.
Nagtuga ang insidente sang bag-o nga mga kabalaka nahanungod sa kaluwasan sang mga pasyente kag mga medikal nga mga tinawo, ilabi na gid nga ang Nasser Hospital isa sa pila ka mayor nga mga pasilidad medikal nga nagapabilin nga naga-operate sa Gaza.
