Gin-anunsyar sang Department of Energy (DOE) ang bag-o nga pagsaka sang presyo sang mga produktong petrolyo nga epektibo buwas, Martes, Marso 24.
Suno kay Energy Secretary Sharon Garin, magapatuman sang umento nga P6.47 kada litro ang presyo sang gasolina.
Sa diesel naman, may oil price hike nga P11.88 kada litro, samtang sa kerosene, magapatuman sang dugang nga P13.66 kada litro.
Bisan pa sa nakatalana nga pagsaka sang presyo, ginpahayag sang kalihim nga nagkakalma ang presyo sang mga produktong petrolyo sa world market, kun sa diin mas dyutay ang pagsaka kumpara sa nagligad nga mga adlaw.
Padayon ang panawagan sang Energy Department sa mga kompanya sang gatong nga magpatuman sang staggered ukon amat-amat nga pag-umento sang presyo sang mga produktong petrolyo.
Gani, may ara man sang mga kompanya nga indi makapatuman sang amat-amat nga pagsaka sang presyo bangud mmadulaan sila sang kita bangud adlaw-adlaw nagabago ang presyo sa tunga sang kinagamo sa Middle East.
Suno kay Sec. Garin, magapadayon pa ang fuel stockpile tubtob sa una nga semana sang Mayo, kaangay sang pag-abot sang mas madamo nga deliveries.
