Preparado na ang delegasyon sang mga atleta sang Koronadal City para sa palaabuton nga Batang Pinoy 2025. Sa intervew sang Bombo Radyo Koronadal kay Arnold Pagdato, Sports Coordinator sang Koronadal City.Ginpahayag ni Pagdato nga nakaplastar na ang tanan nga preparasyon kag handa na ang mga atleta sang syudad sa paglahok sa kompetisyon.
Sa sini nga tuig suno pa sa iya may 406 ka mga atleta halin sa Koronadal ang magapartisipar sa Batang Pinoy 2025, kag may masobra 60 ka mga coaches kag trainers nga magaupod sa ila. Lakip sa mga sports nga ila paga-etrahan amo ang swimming, wrestling, weightlifting, arnis, archery, kag wushu.
Dugang pa ni Pagdato, may daku nga kahigayunan ang mga atleta sang Koronadal nga magdaog bangud kadam-an sa ila ang medal holders na sa national kag regional levels.
