Ginkasal na ang Korean idol kag myembro sang Kpop nga 2PM nga si Ok Taec-yeon sa iya non-showbiz longtime partner sa isa ka pribado nga seremonya nga ginhiwat sa Shilla Seoul, South Korea.
Suno sa report, gintambungan ang seremonya sang malapit nga pamilya kag mga abyan sang duha.
Present man sa okasyon ang kagrupo ni Ok nga 2PM nga naghatag sang matahom nga ambahanon sa newlyweds.
Madumduman nga gin-anunsyo ni Ok ang iya engagement sang Nobyembre 2025 kag nagsiling nga nagdesisyon siya nga mag-umpisa sang pamilya upod ang isa ka tawo nga nagasuporta sa sulod sang10 ka tuig sang ila relasyon.
Nag-debut si Ok bilang K-pop idol sang 2008 bilang miyembro sang 2PM kag nagpadayon man sa pag-arte sa mga serye kasubong sang Dream High, Vincenzo, kag Heartbeat.
