Nakasulod sa finals sang Britain’s Got Talent Season 19 ang Filipino singer nga si Matty Juniosa matapos nga mabaton ang iya ikaduha nga Golden Buzzer gikan sa mga judges sang kompetisyon.
Sa semi-finals round, gin-wow ni Matty ang mga tumalan-aw kag mga hukom paagi sa iya mabaskog nga pag-amba sang kanta ni Aerosmith nga “Dream On.”
Ang iya pasundayag nakakuha sang standing ovation gikan sa apat ka mga hukom, sanday Simon Cowell, Amanda Holden, Alesha Dixon, kag KSI, subong man sang live audience.
Gindayaw ni Alesha ang Filipino singer, nga ginatawag ang iya performance nga “effortlessly sensational” kag isa ka “masterclass” sa pagkanta.
Sa katapusan, si Amanda amo ang nag-press sang Golden Buzzer, nga naghatag kay Matty sang direkta nga tiket sa finals.
Madumduman nga una na nga nakabaton si Matty sang Golden Buzzer gikan kay Simon sa tion sang iya audition nga nagdala sa iya sa semifinals.
Naga-estar si Matty subong sa Glasgow, Scotland, sa diin nagatrabaho sia bilang isa ka part-time nga serbidor samtang aktibo man nga nagapasundayag sa teatro didto.
