Nagpaguwa sang Precautionary Hold Departure Order (PHDO) ang Sixth Division sang Sandiganbayan batuk kay Senador Francis Joseph Chiz Escudero kag isa ka pribado nga indibidwal kahapon nga adlaw, Abril 27, 2026.
Base sa ginpaguwa nga dokumento sang anti-graft court, ginmanduan sang anti-graft court ang Commissioner sang Bureau of Immigration nga punggan ang nasambit nga mga respondents sa pagbiya sa Pilipinas.
Magluwas sa senador, nalakip man sa Hold Departure List ang isa ka indibidwal nga ginkilala kay Maynard Siy Ngu.Nalista sa aplikasyon si Escudero bilang Senador kag si Ngu bilang Private Citizen.
Ini nga direktiba naghalin sa isa ka Verified Ex Parte Application para sa Pag-isyu sang isa ka Precautionary Hold Departure Order nga gin-file sa Sixth Division sang korte.
Ang Sandiganbayan masami nga naga-isyu sang sini nga tikang bilang paghalong agud masiguro nga ang mga indibidwal nga posible nagapangatubang sang preliminary investigations ukon reklamo ang nagapabilin sa sulod sang hurisdiksyon sang pungsod.
Sa subong, ginahulat pa ang opisyal nga pahayag gikan sa kampo nanday Senador Escudero kag Ngu angot sa gin-isyu nga mandu, subong man ang kumpirmasyon gikan sa Bureau of Immigration angut sa gilayon nga pagpatuman sang nasambit nga PHDO.
