KORONADAL CITY – Indi maagyan sa karon sang anuman nga sahi sang salakyan ang dalan nga nagakonektar sa Sitio Mani sang Barangay Topland kag Purok Pag-asa sang Barangay Esperanza, Koronadal City.
Ini matapos nga maguba tuga sang mabaskog nga tubig-baha dulot sang masobra 3 ka oras nga pabubo sang ulan.
Suno kay Manong Nestor Almerio, Purok president sang Sitio Mani, nagligad nga tuig pa naguba ang dalan bangud man sa baha apang wala sa gihapon makay-o tubtob sa karon.
Sang una ini nga naguba, ginbutangan temporaryo sang tamborong kag mga sinako nga balas agud maagyan sang motorsiklo.
Apang naabtan naman sang panibag-o nga baha kag tigayon na gid nga naguba nga mangin motorsiklo indi na makatabok.
Sa karon, nagapanawagan ang mga residente sa lugar nga buligan sila sang City government nga makay-o agud liwat nga maagyan ang dalan.
Mabudlay suno pa para sa mga residente nga maglibot pa kag mag-agi sa highway bangud malayo na ini.
