-- ADVERTISEMENT --

Ginpabutyag ni Kamanggagawa Party-list Representative Eli San Fernando nga indi ang mga nagapahayag sang mga problema sang pungsod ang nagadaot sa imahe sang Pilipinas, kundi ang mga opisyal nga ginapaathag nga korap kag nagapabudlay sa mga mamumugon kag ordinaryo nga pumuluyo.

Ini ang sabat ni San Fernando sa iya mga kritiko matapos niya kuwestyunon ang mga preparasyon sang pungsod para sa ika-49 nga ASEAN Summit.

Lakip sa iya ginpahayag ang pagtabon sang mga taytay paagi sa plywood agud indi makita ang mga basura, pagsaylo sa mga imol, pagsira sang pila ka balaligyaan kag hinali nga pag-ayo sang mga dalan nga madugay na nga wala naatipan.

Suno sa kongresista, ginapabutyag lamang niya ang mga reklamo kag kabudlayan nga adlaw-adlaw ginaatubang sang mga mamumugon kag ordinaryo nga mga Pilipino.