Nakapanagtag na sang kabug-usan nga P435 milyon nga pinansyal nga bulig ang Sugar Regulatory Administration (SRA) para sa mga mangunguma kag mamumugon nga naapektuhan sang paglapta sang red-striped soft scale insect (RSSI) sa mga talamnan sang tubo sa pungsod.
Suno kay SRA Administrator Pablo Luiz Azcona, nagbaton sang tig-P10,000 nga ayuda ang kada kwalipikado nga mangunguma kag mamumugon nga naapektuhan sang infestation.
Naggahin man ang ahensya, sa pakig-angot sa Department of Agriculture, sang P35 milyon para sa mga lokal nga gobyerno agud ipatuman ang mga tikang kontra sa infestation, lakip ang pagbakal sang pestisidyo kag biological control agents.
Ginapaabot nga paagi sa sini nga pondo, mas mapabakod ang pagpamatok sang sektor sang kalamay batok sa mga insekto nga nagahalit kag nagaguba sang mga tanom nga tubo.
Ginpahayag man sang SRA nga nagabulig ang mga programa kag interbensyon nga ini sa pagmintinar sang padayon nga produksyon kag masarangan nga presyo sang kalamay sa merkado.













