Ginpahinumdom sang Civil Service Commission (CSC) sa tanan nga opisyal kag empleyado sang gobyerno nga magsubmiter sang Statement of Assets, Liabilities, and Net Worth (SALN) antes ukon sa Abril 30 suno sa Republic Act No. 6713 ukon Code of Conduct and Ethical Standards for Public Officials and Employees.
Suno sa CSC, obligasyon sang tanan nga kawani sa national kag local government, state universities and colleges, kag GOCCs nga magpasar sang SALN nga nagalista sang ila manggad, utang, kag interes sa negosyo, apang wala ini nagalakip sa casual workers kag honorary positions.
Kinahanglan magsubmiter sang SALN sa sulod sang 30 ka adlaw pagkatapos magsulod sa serbisyo, kada tuig antes Abril 30, kag sa sulod sang 30 ka adlaw pagkatapos maghalin sa serbisyo.
Gipatuman man ang bag-o nga 2025 SALN form kag ginpahanugutan na ang digital filing kag suno sa CSC Resolution No. 2500632, kinahanglan magsubmiter sang tatlo ka orihinal nga kopya sa HRMO kag siguruhon nga kompleto kag pirmado ang tagsa ka panid sang resolution.
