KORONADAL CITY – Nangin drill site sa ginpatigayon nga National Simultaneous Earthquake Drill kaina ala-una subong nga hapon ang Barangay Sto. Nino, diri sa siyudad sang Koronadal.
Ini ang ginpahayag ni City Disaster Risk Reduction and Management Officer (CDRRMO) Cyrus Urbano sa interview sang Bombo Radyo.
Suno kay Urbano, ang napilian sang Office of the Civil Defense Region 12 ang Barangay Sto. Nino bangud community based ang gusto sang National Disaster Risk Reduction and Management Council (NDRRMC) agud makita kun prepardo gid man ang komunidad sa tion nga mag-igo ang linog.
Paathag pa ni Urbano, nga ang importante ini bangud isa sa mga thematic areas sang Disaster Reduction Management nga mga preparado ang tanan agud makalikaw sa kapahamakan.
Suno pa sa iya, “Ligtas ang may alam, Ligtas ang Laging Handa”.
