Ginpamatud-an ni City Traffic Management Division Head Joy Placer nga indi mga residente sang Koronadal City ang kasagaran nga nadakpan nga mga colorum nga traysikol nga nagapamasada sa syudad.
Sa interview sang Bombo Radyo Koronadal, ginpahayag ni Placer nga madamo sa ila nga na-apprehend nga colorum drivers ang mga residente sang mga kaingod nga banwa.
Suno kay Placer, nahangpan nila ang rason sang mga driver nga nagapili nga magpangita sang pangabuhian sa Koronadal City bangud sa madamo nga oportunidad sa syudad.
Apang ginpabutyag niya nga kinahanglan gihapon sang mga driver nga tumanon ang mga ordinansa kag regulasyon nga ginpatuman sang syudad.
Samtang, padayon ang pagpatigayon sang apprehension sang City Traffic Management Division batok sa mga colorum nga traysikol nga nagapamasada sa Syudad sang Koronadal.
angud sini, ginpanawagan ni Placer sa mga driver nga magkuha sang nagakaigo nga prangkisa kag permiso kag tumanon ang mga kasuguan agud malikawan ang paglapas kag pag-aresto.
