KORONADAL CITY – Ginpaklaro sang City Disaster Risk Reduction and Management Office nga luwas ang tanan nga mga pampubliko kag pribado nga edipisyo sa siyudad sang Koronadal.
Sa interbyu sang Bombo Radyo Koronadal kay Mr. Cyrus Urbano, City Disaster Risk Reduction and Management Officer sang Koronadal, ginpahayag sini nga sa pihak sang naeksperyensyahan nga makusog nga linog sang Nobyembre 17 2023, wala gid man sang mga makonsidera nga tuman nga damage sa kabug-usan.
Gindugang pa sini nga wala sang nagakaangay nga ikabalaka bangud naghimo man sang inisyatibo ang City Government nga isuspend anay ang mga klase agud ang Rapid Damage Assessment Team nga ginpangunahan sang Office of the Building Official (OBO) kag City Engineering Office (CEO) ang magapadayon sa ila nga monitoring sa mga edipisyo agud nga mahibaluan kung luwas pa o kun may mga nadamage dala sang linog.
