Ginpahayag sang Cybercrime Investigation and Coordinating Center (CICC) nga nagbuhin ang insidente sang online scams subong holiday season samtang nagasaka ang porsyento sang mga naarestar.
Suno kay Executive Director Renato Paraiso, medyo nagbuhin ang mga krimen matapos ang asod-asod nga pag-aresto sa mga persona may kaangtanan sa online scams.
Kasamtangan nga ginabantayan sang Cybercrime Investigation and Coordinating Center ang paglapta sang love scams, online shopping, delivery, kag travel scams, ilabi na sa nagahilapit nga may Christmas bonus kag 13th month pay.
Ginpasiguro man sang Cybercrime Investigation and Coordinating Center nga padayon ang ila monitoring kag nagpanawagan sa publiko nga mag-report sa ila opisina agud ma-arestar ang mga scammers.
