Naghatag ang China sang mga donasyon nga relief goods para sa mga biktima sang mabaskog nga linog nga nagluntad sa Davao Oriental.Gin-turnover sang Chinese Consulate General sa Davao ang P4 milyon nga balor sang relief goods nga ginbaton naman ni Governor Nelson Dayanghirang halin kay Chinese Deputy Consul General Wang Mingqing sa Provincial Capitol Gym sa siyudad sang Mati.
Suno sa Chinese official, nagalaum sila nga mabuligan sini ang mga pumuluyo sang Davao Oriental nga makabangon halin sa kalamidad kag nagpahayag sang pagpakig-isa sa mga naapektuhan sang linog. Apat ka trucks sang relief aid ang ginpadala sa Incident Command Post nga nagaunod sang emergency food supplies, kalakip ang bugas kag canned beef.
Ginpasakamot man sang mga kinatawan sang Association of Davao Fil-Chinese Communities ang dugang nga P700,000 nga balor sang relief assistance.Suno sa panguluhan panlalawigan, masobra 170,000 ka pamilya na sa probinsiya ang naapektuhan sang doublet earthquake.
