Ginakabig sang pungsod China nga pamahog sa regional security ang pagpadala sang Estados Unidos sang intermediate-range missiles sa Pilipinas.
Suno kay Chinese Foreign Ministry spokeswoman Mao Ning, nagalapas sa ginaduso nga kalinong kag katawhay sa rehiyon ang pag-deploy sang missiles sa Pilipinas.
Nagpanugyan man ang China sa mga pungsod nga may kaangtanan diri nga pamatian ang mga pungsod sa rehiyon kag mag-atras sa ginasubay nga sayop nga dalan.
Samtang wala pa sang sabat angut diri ang US kag Pilipinas.
Nahibaluan nga sa karon yara sa Pilipinas ang US land-based intermediate-range missile system nga “Typoon” kun sa diin nagahanas ang militar para sa operasyon kag maintenance sini.
Ginalauman nga magapabilin ini sa pungsod tubtob Setyembre.
Ginpadala ini nga missile bilang kabahin sang “Balikatan 2024” sang Abril.
