Caretaker sang alkalde sang Banga, South Cotabato arestado bangud sa pagpangawat sang P200,000 nga balor sang kwarta

KORONADAL CITY – Gin-arestar ang isa ka caretaker ni Banga Mayor Albert Palencia makaligad ini nga nadakpan nga nagpangawat.

Sa interbyu sang Bombo Radyo Koronadal, ginkilala ni Banga PNP chief of police Major Joseph Forro III ang suspek nga si Gelmar Ynalagan, 27 anyos.

Ayon kay Major Forro, gin-abrihan ni Ynalagan ang salakyan sang alkalde kag pagakuhaon kuntani ang kwarta nga nagabalor sang P200,000 apang nakit-an ini sang security guard.

Gilayon naman ini nga ginrespondehan sang Banga PNP kag gin-arestar sang kapulisan ang suspek.

Gin-ako naman ni Ynalagan nga bangud sa sugal, natintal ini nga kawaton ang kwarta.

Sa subong nakapreso na ini sa lockup cell sang Banga PNP samtang ginsang-at ang kaso nga robbery.